ناوى على اية يا زمن
على ايه تانى يازمن ناوى
مش ناوى تحن عليا وتصالح وتداوى
زرعت الحزن فى قلبى تقاوى
ولما جه وقت الحصاد حصدت البكى غناوى
اه يازمن خلتنى للبكى حاوى
مش نافع معاك رقوه ولا بخور الجاوى
ناسيتنى معنى الفرح خلتنى احس انه ما يساوى
هو انتا لزعلى ليه غاوى
خلتنى للحزن مخاوى
ناوى على ايه يازمن
جرح وجرحتنا
فرح ومنعتنا
لضحكه سيبتنا
ولدمع علمتنا
ناوى على ايه يازمن
ناوى لسه تلعب بينا
عجباك دموعنا فى ليالينا
عجباك الامنا من اللى ناسينا
ولا صوت اهتنا على محابينا
عددت شهور وايام وما حد سال فينا
ناوى على ايه زمن
هات اللى عندك وقول
انا خايف من المجهول
ابعتلى شىء مقبول
حاجه كده فى حدود المعقول
حبة الام على اهات لقلبى اللى بقى مقتول
ومش حقولك تانى مين عن جرحى مسئول
انا حاسس انى بقيت خلاص عن كل شىء مشلول
وياريت تقدملى اى حلول
ناوى على ايه يازمن
موضوع: ناوى على اية يا زمن 
السبت يوليو 16, 2011 10:37 am
